Matapos mapauwi ang huling batch ng mga locally stranded individual ay isinailalim sa paglilinis ang Rizal Memorial Sports Complex sa Maynila.
Pansamantalang isinara muna ang nasabing pasilidad para makapagsagawa ng disinfection.
Sa Facebook post sinabi ni Manila Mayor Isko Moreno na nagsasagawa ng cleaning, flushing at pag-disinfect sa sports complex ang mga tauhan ng Department of Public Services (DPS).
Magugunitang libu-libong LSIs ang nanatili sa sports complex simula pa noong Biyernes sa pag-asang sila ay makakauwi sa mga lalawigan.
Silang lahat ay naihatid na sa ilalim ng Hatid Tulong Program ng gobyerno.
Maliban lamang sa 48 na nagpositibo sa rapid test na pansamantalang isinailalim sa isolation para sumailalim sa swab test.
MOST READ
LATEST STORIES