Heavy rainfall warning sa Zambales at Pampanga inalis na ng PAGASA

Binawi na ng PAGASA ang inilabas na heavy rainfall warning sa lalawigan ng Pampanga at Zambales.

Sa inilabas na rainfall warning ng PAGASA alas 11:00 ngayong umaga ng Huwebes (July 30) mahina hanggang katamtamang pag-ulan na lamang ang nararanasan sa dalawang lalawigan.

Samantala, nakararanas din ng mahina hanggang sa katamtaman na pag-ulan ang Tarlac, Laguna, Batangas, at Quezon.

Ang pag-ulan ay dulot ng Low Pressure Area at Habagat.

Pinapayuhan ang mga residenteng nasa mabababang lugar na maging maingat sa posibleng pagbaha.

Maari ding magdulot ng landslides ang malakas na ulan sa mga bulubunduking lugar.