Halaga ng ilalabas na bakuna ng Moderna kontra COVID-19 aabot sa hanggang P3,000

Nasa pagitan ng $50 hanggang $60 o katumbas ng P2,500 hanggang P3,000 ang magiging halaga ng bakuna kontra COVID-19 na ilalabas ng kumpanyang Moderna.

Ang nasabing halaga ay para sa bawat course. Ibig sabihin, sa bawat dose ng bakuna ay nasa $25 hanggang $30 ang halaga.

Ayon sa ulat ng Financial Times, ang nasabing halaga ay aplikable sa US at iba pang bansa na mataas ang income.

Sa ngayon nasa proseso na ng pakikipag-usap ang Moderna sa mga pamahalaan ng mga bansa para sa suplay ng mRNA-1273.

Ang Pfizer naman at German partner nito na BioNTech ay nasa proseso na ng pakikipag-usap sa US.

Ang US ay nag-order na ng $2 Billion na halaga ng bakuna sa Pfizer.