Yellow warning itinaas ng PAGASA sa Romblon; maraming lugar sa Bicol Region inuulan dahil sa LPA

Nagtaas ng heavy rainfall warning ang PAGASA sa lalawigan ng Romblon.

Sa inilabas na heavy rainfall warning ng PAGASA alas 4:30 ng madaling araw ngayong Miyerkules, July 29 yellow warning ang umiiral sa Romblon.

Mahina hanggang sa katamtaman hanggang sa kung minsan ay malakas na buhos ng ulan naman ang nararanasan sa Camarines Sur, Camarines Norte, Catanduanes, at Masbate.

Babala ng PAGASA, maaring makaranas ng pagbaha sa mabababang lugar at landslides sa bulubunduking lugar.