Kaso ng COVID-19 mahigit 76,000 na

Umabot na sa mahigit 76,000 ang kumpirmadong kaso ng COVID-19 sa bansa.

Ito ay makaraang makapagtala ng 2,103 na dagdag na kaso ng sakit.

Ayon sa huling datos ng Department of Health (DOH) hanggang Biyernes (July 24) ng hapon umabot na sa 76,444 ang total COVID-19 cases sa bansa.

Sa mahigit 2,103 na bagong kaso, 1,272 ay mula sa Metro Manila, 291 mula sa Cebu, 107 mula sa Laguna, 83 mula sa Rizal at 53 mula sa Cavite.

Sa total number of cases, 50,063 ang aktibong kaso.

Nakapagtala naman ng 144 na bagong recoveries kaya umabot na sa 24,502 ang bilang ng mga naka-recover sa bansa.

Nadagdagan naman ng 15 ang bilang ng nasawi.

Sa ngayon, 1,879 ang COVID related death sa bansa.