Pagbasa ng sakdal sa drug lord na si Amin Boratong na nasawi sa COVID-19 at apat na iba, itinakda ng korte

Ipinag-utos ni Pasig Regional Trial Court Branch 167 Judge Annielyn Medes-Cabeles ang pagbasa ng sakdal sa shabu tiange operator na si Amin Imam Buratong at second wife nito.

Base sa apat na pahinang desisyon na nilagdaan ni Judge Medes-Cabeles, ibinasura nito ang inihaing Omnibus Motion to suspend warrant of arrest and/or Quash Warrant of Arrest and Suspend Further Proceedings na inihain ni Buratong, unang asawa na si Memie Sultan Buratong, Sittie Sultan Saripada at Enonay Pitiiilan Sultan dahil sa lack of merit.

Kasama rin sa babasahan ng sakdal sa July 27 ganap na 8:30 ng umaga ang second wife ni Boratong na si Sheryl M. Buratong na kasalukuyang nakakulong sa Correctional Institution for Women.

Babasahan ng sakdal ang mga ito para sa kasong paglaban sa Anti-Money Laundering Act may kaugnayan sa nabistong shabu tiange sa Pasig City.

Si Amin Buratong ay nauna nang iniulat ng Bureau of Corrections na nasawi dahil sa COVID-19.