Sa press briefing, sinabi ni Health Undersecretary Maria Rosario Vergeire sa huling datos ng Department of Health (DOH) bandang 4:00, Lunes ng hapon (July 20), umabot na sa 68,898 ang confirmed cases ng nakakahawang sakit sa bansa.
Sa nasabing bilang, 43,991 ang aktibong kaso.
Sinabi ng kagawaran na 1,521 ang bagong napaulat na kaso ng COVID-19 sa bansa kung saan 1,209 ang “fresh cases” habang 312 “late cases.”
Nasa apat ang napaulat na nasawi.
Dahil dito, umakyat na sa 1,835 ang COVID-19 related deaths sa bansa.
Ayon pa sa DOH, 607 naman ang gumaling pa sa bansa.
Dahil dito, umakyat na sa 23,072 ang total recoveries ng COVID-19 sa Pilipinas.
