Gawang Pinoy na COVID-19 test kits, handa nang gamitin para sa commercial-use

Iniulat ng Department of Health (DOH) na matapos ang ilang buwang trial para sa COVID-19 test kits, nakagawa na ng locally produced test kits.

Ayon sa kagawaran, nagpapasalamat sila sa walang kapagurang pakikipagtulungan ng Manila Health Tek Team para matapos ang nasabing proyekto.

Dahil dito, naayos na ng DOH ang mga kakulangan mula sa GenAmplify version 1 na nauna ng nai-develop.

Sa ngayon, handa na para sa commercial use ang GenAmplify version 2, ang kauna-unahang RT-PCR test kit sa bansa.

Katulad umano ng ibang medikal products patuloy na imo-monitor ang GenAmplify version 2.