48 volcanic earthquakes, naitala sa Mt. Bulusan

Nakapagtala ng volcanic earthquakes sa Mt. Bulusan, ayon sa Phivolcs.

Sa Bulusan Volcano bulletin ng Phivolcs bandang 8:00 ng umaga, nasa 48 ang naitalang volcanic earthquakes sa nakalipas na 24 oras.

Nananatili pa rin sa Alert Level 1 ang Mt. Bulusan dahil sa abnormal condition nito.

Sinabi ng Phivolcs na ipinagbabawal ang pagpasok sa 4-kilometer radius Permanent Danger Zone (PDZ).

Pinag-iingat naman ang mga residente sa lugar sa 2-kilometer Extended Danger Zone (EDZ) sa southeastern sector bunsod ng posibleng maranasang mapanganib na phreatic eruptions.