Apat na drug suspect, timbog sa buy-bust operation sa Dumaguete City

Arestado ang apat na drug suspect sa ikinasang buy-bust operation sa Dumaguete City, Negros Oriental Biyernes ng gabi,

Ayon sa Philippine Drug Enforcement Agency Central Visayas (PDEA RO7), isinagawa ang operasyon sa Zone 1, Barangay Looc bandang 11:15 ng gabi.

Nakilala ang mga suspek na sina Ryan Luzada, 34-anyos; Jefrey Lallaban, 39-anyos; John Floyd Argote, 40-anyos; at Jerry Taub, 41-anyos.

Narekober sa apat ang tatlong pakete ng hinihinalang shabu na nagkakahalaga ng P6,800, mga pakete na may shabu residue, ilang drug paraphernalia, at ginamit na buy-bust money.

Sasampahan ng kasong paglabag sa Sections 5, 11, 12, at 26, Article 2 ng Republic Act 9165 ang apat na drug suspect.