Valenzuela City MeTC Branch 81 sarado hanggang July

By: Dona Dominguez-Cargullo - 4 years ago

Isasara sa loob ng dalawang linggo ang Metropolitan Trial Court Branch 81 sa Valenzuela City.

Ayon sa memorandum na nilagdaan ni Presiding Judge Teresita Asuncion Lacandula-Rodriguez, sarado mula ang naturang branch hanggang sa July 24.

Ito ay makaraang isang empleyado ng korte ang magpositibo sa COVID-19.

Noong July 10 huling nag-report sa trabaho ang nagpositibong empleyado.

Inatasan na ang mga empleyado ng korte na sumailalim sa home quarantine.