Bilang ng mga naka-recover sa COVID-19 sa lalawigan ng Rizal, umabot na sa 680

Tumaas pa ang bilang ng mga gumaling o naka-recover na sa coronavirus disease o COVID-19 sa lalawigan ng Rizal.

Base sa huling datos ng Provincial/City/Municipal Health Offices ng Rizal (Miyerkules, July 15) , nadagdagan ng 18 ang bilang ng mga gumaling na sa COVID-19 sa lalawigan kaya umabot na ito sa 680 habang 520 ang active cases.

Ang bilang ng mga nasawi sa COVID-19 sa lalawigan ay nadagdagan ng 1 kaya umabot na ito sa 110.

Ang kabuuang bilang ng tinamaan ng virus sa lalawigan ay umabot na sa 1,310.