Sunog, sumiklab sa isang residential area sa Baseco, Maynila

Sumiklab ang sunog sa isang residential area sa Lungsod ng Maynila, Huwebes ng hapon.

Batay sa post ng Manila Public Information Office, apektado ng sunog ang residential area sa bahagi ng Barangay 649 sa Baseco.

Sinabi ng Manila Disaster Risk Reduction and Management Office (MDRRMO) na nasa ikalawang alarma na ang sunog.

Sa ngayon, patuloy pang inaalam kung ano ang sanhi ng sunog.