Twitter gumagawa na ng hakbang para maisaayos ang problema sa nangyaring security breach

Kinumpirma ng pamunuan ng Twitter ang security breach na nangyari sa maraming accounts.

Ayon sa Twitter, iniimbestigahan na nila at nagsasagawa na sila ng hakbang para maiayos ang problema.

Habang ginagawa ang pagsasaayos, sinabi ng Twitter na maaring mahirapan ang netizens na mag-tweet at magsagawa ng pag-reset ng kanilang password.

Nagsasagawa ngayon ng review ang Twitter sa nangyari..

Sa ngayon nagpapatupad ng limitasyon sa pag-tweet, password reset at sa iba pang account functionalities ang Twitter.

Humingi ng pasensya ang Twitter sa publiko habang ito ay ginagawa.

Kabilang sa nabiktima ng hacker ang mga account nina Joe Biden, Bill Gates, Elon Musk, kumpanyang Apple, Uber, Twitter nina Kanye West, Jeff Bezos at Mike Bloomberg.