24 oras na curfew sa lahat ng may edad 18 pababa, ipatutupad na sa Navotas

Ipatutupad na ang 24 oras na curfew sa lahat ng may edad 18 pababa sa Navotas City.

Ito ay matapos maipasa ang City Ordinance No. 2020-33 sa lungsod.

Ayon sa Navotas City government, sa ilalim nito, hindi maaaring lumabas ng bahay ang mga residente na 18 taong gulang pababa.

Papayagan lamang ang mga ito kung mag-i-enroll kasama ang magulang o guardian at sakaling mayroong emergency.

Sinabi ng Navotas LGU na paparusahan ang mga magulang o guardian kapag hinayaang gumala, tumambay o maglaro ang anak sa labas ng kanilang bahay.

Papatawan P1,000 multa ang sinumang sumuwag sa unang paglabag, P2,000 sa ikalawang paglabag, P3,000 o pagkakulong sa ikatlong paglabag habang P4,000 o pagkakulong sa ikaapat o susunod pang paglabag.