Ortigas station, loading point na rin para sa MRT-3 Bus Augmentation Program

Kasama na ang Ortigas station (kapwa north at southbound) sa loading points ng mga idine-deploy na bus sa ilalim ng Bus Augmentation Program ng Metro Rail Transit Line 3 (MRT-3).

Ayon sa pamunuan ng MRT-3, magsisimula ito sa Miyerkules, July 15.

Layon nitong mas marami pang pasahero ang maserbisyuhan at upang mapaikli ang pila ng mga commuters tuwing rush hour.

Nagsisimula ang unang biyahe sa North Avenue at Taft Avenue stations bandang 4:00 ng madaling-araw hanggang 9:00 ng gabi.

Narito ang mga sumusunod na loading at unloading stations:

NORTHBOUND:
– Taft Avenue station, Ayala station at Ortigas station (loading stations)
– Ayala station, Guadalupe station, Ortigas station Quezon Avenue station at North Avenue station(unloading stations)

SOUTHBOUND:
– North Avenue station, Quezon Avenue station at Ortigas station (loading stations)
– Ortigas station, Guadalupe station, Ayala station at Taft Avenue station (unloading stations)