Calayan, Cagayan niyanig ng magkasunod na magnitude 3.3 at 3.2 na lindol

Magkasunod na pagyanig ang naitala sa lalawigan ng Cagayan.

Ayon sa Phivolcs, unang naitala ang magnitude 3.3 na pagyanig sa 67 kilometers northwest ng bayan ng Calayan, ala-1:27 madaling araw ng Lunes (July 13) at may lalim na 13 kilometers.

Sumunod na naitala ang magnitude 3.2 na pagyanig sa 70 kilometers northwest ng bayan ng Calayan, ala-1:39 madaling araw ng Lunes (July 13) at may lalim na 5 kilometers

Tectonic ang origin ng mga pagyanig.

Wala namang inaasahang pagkasira sa mga ari-arian, intensities at aftershocks.