Mayor sa bayan ng Sto. Niño sa South Cotabato patay sa pananambang

Patay makaraang tambangan ng riding in tandem ang alkalde sa bayan ng Sto. Niño sa South Cotabato.

Kinumpirma ni South Cotabato Provincial Director P/Col. Jemuel Siason na nasawi si Mayor Pablo Matinong sa pananambang ngayong Biyernes, July 10 ng umaga.

Nangyari ang pananambang sa Libertad Poblacion sa nasabing bayan.

Hindi nakilala ang mga suspek na mabilis na tumakas matapos ng krimen.

Patuloy pa ang imbestigasyon sa insidente.