Lahat ng hukom at mga staff sa mga korte sa Pasay sasailalim sa mandatory self-quarantine

Sasailalim sa mandatory self-quarantine ang lahat ng mga hukom at tuhan ng Pasay City Regional Trial Court at Metropolitan Trial Court.

Kasunod ito ng utos ng executive judge ng Pasay RTC matapos na isang court employee mula sa RTC Branch 112 ang nagpositibo sa COVID-19.

Isang abogado rin ng Public Attorne’ys Office ang nagpositibo sa sakit.

Lahat ng empleyado ng mga korte sa Pasay kasama ang mga hukom ay required na sumailalim sa self-quarantine simula ngayong araw, July 9 hanggang sa July 20.

Pinapayuhan ang lahat ng court employees na bantayang maigi ang kanilang kalusugan at agad magpatingin kapag may sintomas.

Tuloy pa rin naman ang mga naka-schedule na hearing at gagawin ito via videoconference.

Ang mga pleadings naman ay pwedeng isumite sa pamamagitan ng electronic filing.