LRT-2 wala nang ticket sellers; maari na lang bumili ng ticket sa vending machines

Wala nang itatalagang ticket sellers sa Light Rail Transit-2 (LRT-2).

Ayon sa Light Rail Transit Authority (LRTA), maaring mabili na lamang ang tickets gamit ang vending machines.

Ayon kay LRTA spokesman Hernando Cabrera, dalawang linggo na itong ipinatutupad sa LRT-2.

Ang mga ticket sellers sa istasyon ay hindi naman aniya mawawalan ng trabaho.

Sa halip ay itinalaga naman sila para mag-assist sa mga pasahero sa pagbili ng ticket sa vending machines.

Ang mga first-time users ng vending machines ang kanilang tutulungan.

Ang mga single-journey ticket ay regular ding isinasailalim sa disinfection bago ibalik sa circulation ayon kay Cabrera.