50 Chinese nationals arestado sa ilegal na POGO sa Makati

Aabot sa 50 Chinese nationals ang dinakip sa isang POGO sa Makati City na ilegal na nag-ooperate.

Sinalakay ng mga tauhan ng Makati Police at city business permits personnel ang POGO establishment sa Brgy. Pio Del Pilar.

Maliban sa 50 Chinese Nationals may naaresto ding 1 pang Myanmar National.

Nakumpiska ng mga otoridad ang mga computer, laptops, cellphones at iba pang gamit sa loob ng establisyimento.

Ginawa ang pagsalakay matapos makatanggap ng reklamo ang mga pulis na may ilegal na pasugalan sa lugar.

Ayon sa Southern Police District ang mga dayuhan ay nag-ooperate sa ilalim ng Hua Xin POGO company.