19 na volcanic earthquakes naitala sa Mt. Bulusan sa nakalipas na magdamag

 

Masusing binabantayan ng Phivolcs ang Mt. Bulusan sa Sorsogon matapos makapagtala ng aktibidad nitong nagdaang mga araw.

Kahapon mula sa Alert Level 0 ay itinaas na ng Phivolcs ang Alert Level 1 sa Mt. Bulusan.

Sa 8AM Bulusan Volcano Bulletin na inilabas ng Phivolcs ngayong Martes, July 7, nakapagtala ng 19 na volcanic earthquake sa bulkan sa nakalipas na 24 na oras.

17 dito ay pawang low frequency lamang na bunsod ng magmatic gas activity ng bulkan.

Nakapagtala din ng mahinang steam laden plumes mula sa lower southeast vent ng bulkan.

Sa ilalim ng Alert Level 1, ipinagbabawal ang pagpasok sa four-kilometer radius Permanent Danger Zone (PDZ) ng Mt. Bulusan.