LOOK: Mga tren ng MRT-3 sumasailalim sa disinfection kada biyahe

Nagsasagawa ng limang minutong disinfection process sa mga tren ng MRT-3 kada biyahe nito.

Ayon sa abiso ng DOTr MRT-3 ginagawa ang disinfection sa end stations sa North Avenue at Taft Avenue.

Layon nitong matiyak na malinis ang mga tren at mapigilan ang paglaganap ng virus.

Kabilang sa disinfection procedure ang sanitation sa lahat ng surface sa loob ng tren kasama ang hand straps, handrails, at mga upuan.