Matapos maghain ng petisyon via email noong Sabado, ngayon umaga ay pormal na isinumite nina Atty. Howard Calleja at Bro. Armin Luistro ang kanilang petisyon laban sa batas.
Humihirit sina Calleja ng Special Civil Action for Certiorari and Prohibition at Temporary Restraining Order sa Korte Suprama.
Ngayong umaga nagsumite na rin ng petisyon sa SC si Albay Rep. Edcel Lagman para kwestyunin ang constitutionality ng Anti-Terrorism Act.
Mga kinatawan lamang ni Lagman ang naghain ng petisyon na humihirit din sa Mataas na Hukuman na magpalabas ng certiorari and prohibition at TRO.
Nais ni Lagman na ipatigil ng SC ang pagpapatupat ng Anti-Terrorism Act of 2020 at ipawalang bisa ang buong batas.
Samantala, naghain na din ng petisyon si Far Eastern University College of Law Dean Mel Sta. Maria.
Kapwa petitioner ni Sta. Maria ang iba pang FEU Law professors.
Anila, hindi malinaw ang depenisyon ng “terrorism” sa sections 25 at 29 ng batas.
Sa nasabing probisyon, pinapayagan ang warrantless arrests base sa “mere suspicion” lamang.