Tinawag na maiingay na minority ng lipunan ni Chief Presdiential Legal Counsel Salvador Panelo ang mga tutol sa anti-terror law.
Ayon kay Panelo, wala sa karakter ni Pangulong Rodrigo Duterte na magpasindak sa external forces.
Sinabi pa ni Panelo na walang ibang layunin si Pangulong Rodrigo Duterte kundi ang pangalagaan ang kapakanan ng taong bayan.
Tiniyak pa ni Panelo na may nakalatag na sapat na safeguards ang bagong batas para masiguro na hindi maabuso ninuman.
Una rito, dumulog na sa Korte Suprema ang grupo nina Atty. Howard Calleja para kwestyunin ang legalidad ng bagong batas.
Partikular na kinukwestyun ng grupo ang section 29 na nagsasaad ng “Detention without judicial warrant of arrest kung saan maaring arestuhin ng anti terror council ang sinumang pinaghihinalaang terorista.