LOOK: Sinimulan na ang pagsasailalim sa COVID-19 test sa lahat ng empleyado ng MRT-3

Matapos ang pagtaas ng bilang ng mga nagpositibo sa COVID-19 lahat ng empleyado ng MRT-3 ay isasailalim sa COVID-19 test.

Sa pahayag ng DOTr MRT-3 lahat ng kanilang tauhan sa depot at sa mainline ay sasailalim sa COVID-19 test.

Kabilang dito ang mga tauhan ng maintenance service provider at iba pang subcontractors ng MRT.

Lahat ng sumailalim na sa RT-PCR testing ay pinayuhang mag-home quarantine habang hinihintay ang resulta ng test.

Habang ang mga nagpositibo na sa sakit ay nasa government quarantine facilities na sa World Trade Center, Philippine Arena, at PhilSports Arena.