Nagawang swab test sa Maynila, umabot na sa 14,893

Umabot na sa 14,893 ang naisagawang swab test sa Lungsod ng Maynila.

Ayon kay Manila Mayor Isko Moreno, naitala ang nasabing datos hanggang 12:00, Biyernes ng tanghali (July 3).

Nasa 205 ang nagawang swab test sa nasabing petsa.

Samantala, 147,071 naman ang naisagawang rapid test sa lungsod hanggang 12:00, Biyernes ng tanghali (July 3).

Tiniyak ng alkalde na walang bayad ang mga residente ng lungsod sa pagsailalim sa nasabing pagsusuri sa COVID-19.

Nagpasalamat din si Moreno sa frontliners na patuloy na nagiging agresibo sa pagsusuri para maiwasan ang pagkalat ng nakakahawang sakit.