Metro Manila at ilang lugar sa Luzon, uulanin sa susunod na mga oras

Asahang makararanas ng pag-ulan ang ilang lalawigan sa Luzon.

Sa thunderstorm advisory ng PAGASA bandang 1:39 ng hapon, iiral ang katamtaman hanggang mabigat na buhos ng ulan na may kidlat at malakas na hangin sa Metro Manila, Laguna at Bulacan.

Uulanin din ang Mariveles, Bataan at Nasugbu, Batangas.

Maaapektuhan din ang Quezon partikular ang Tagkawayan, Lopez,at Alabat; Cavite sa Maragondon, Magallanes at Ternate.

Sinabi ng weather bureau na posibleng maranasan ang pag-ulan sa susunod na dalawang oras.

Dahil dito, pinag-iingat ang mga residente sa nabanggit na lugar sa posibleng pagbaha o pagguho ng lupa.