Bilang ng nagpositibo sa COVID-19 sa BOC, 62 na

Sumampa na sa 62 ang bilang ng mga empleyado ng Bureau of Customs (BOC) na nagpositibo sa coronavirus disease 2019 (COVID-19).

Sa nasabi namang bilang sinabi ni BOC spokesperson Jet Maronilla na 34 na ang naka-recover.

Sa ngayon ay 28 na lamang ang aktibong kaso sa BOC.

Ang lahat ng 28 ay pawang asymptomatic at nakasailalim sa quarantine.

Masusi rin silang binabantayan ng BOC medical division.

Ayon kay Maronilla, umabot na sa 1,277 na rapid antibody tests ang naisagawa ng BOC at 568 reverse transcription polymerase chain reaction (RT-PCR) tests.