PNP-IAS posibleng maglunsad ng administrative proceedings laban sa siyam na pulis na sangkot sa pagkasawi ng apat na sundalo sa Sulu

Handa ang Philippine National Police – Internal Affairs Service (PNP-IAS) na maglunsad ng sariling administrative proceedings laban sa siyam na pulis na sangkot sa pagkasawi ng apat na sundalo sa Jolo, Sulu.

Ayon kay PNP spokesman Brig. Gen. Bernard Banac, masusuing binabantayan ng
PNP-IAS ang usapin at kung may sapat na batayan aniya ay magsasagawa ito ng administrative proceedings.

Sinabi ni Banac na ang National Bureau of Investigation ang may hawak sa kaso para matiyak ang pagkakaroon ng impartial investigation.

Ang apat na sundalo ay nasa kanilang misyon nang sila ay masawi sa checkpoint ng pulis sa Jolo.