Pagsailalim sa driving course bago makakuha ng student permit o bagong driver’s license, mandatory na

By: Dona Dominguez-Cargullo - 4 years ago

Simula sa August 3, 2020 mandatory na ang pagsailalim sa driving course bago makakuha ng student permit o bagong driver’s license.

Ayon sa abiso ng Land Transportation Office (LTO), ipoproseso lamang ang student permit at bagong driver’s license (DL) at dagdag na Restriction Code (RC) applications kung ang aplikante ay sumailalim at naka-kumpleto ng driving course.

Kailangang mayroong completion certificates nainisyu ng LTO-accredited Driving School, kanilang authorized Driving School Instructors / Administrators, o ng LTO-Driver Education Centers (DECs) sa LTO Offices.

Pinaghahanda na rin ang lahat ng regional office at district office ng LTO para tumanggap ng electronically transmitted na PDC at TDC certificates.