Lahat ng visa interviews kanselado na hanggang July 31 ayon sa U.S. Embassy sa Maynila

Kinansela na ng U.S. Embassy sa Pilipinas ang lahat ng immigrant at nonimmigrant visa interviews na naka-schedule hanggang sa July 31.

Ito ay bunsod pa rin ng nararanasang problema ng mundo sa COVID-19.

Nakasaad sa abiso ng U.S Embassy na sinuspinde ng U.S. Department of State ang routine visa services sa lahat ng U.S. Embassies at Consulates sa buong mundo.

Maari pa rin namang mapayagan ang emergency visa services.

Maaring tumawag sa call center ng U.S. Embassy sa (632) 77792-8988 at (632) 8548-8223.

Pwede ring gawin ang pagpapa-reschedule sa online appointment system, bisitahin lamang ang ustraveldocs.com/ph

Walang sisingiling fee sa pagpapabago ng appointment habang ang visa application fees naman ay valid sa loob ng isang taon.