Meralco customers pwedeng humirit ng panibagong reading sa kanilang metro kung duda sa bayarin sa kuryente

Pwedeng humiling ng panibagong reading ang mga customer ng Meralco kung duda sila sa itinaas ng kanilang bayarin sa kuryente.

Sa panayam ng Radyo Inquirer, sinabi ni Meralco Spokesperson Joe Zaldarriaga kung ang consumer ay duda sa kaniyang bill ay pwedeng mag-request ng re-reading.

Babalikan aniya ng Meralco ang metro at magsasagawa muli ng reading.

Kung hindi pa rin kuntento, ay pwedeng ipa-test ang metro kung may sira ito.

Kasabay nito ay humihingi ng pang-unawa ang Meralco sa publiko.

Ayon kay Zaldarriaga, hindi sana mangyayari ang problema kung nakapag-reading ang Meralco noong Marso at Abril.

Pero dahil sa lockdown na umiral ay hindi nila ito nagawa.