Pag-iisyu ng student driver’s permit suspendido simula sa July 1 ayon sa LTO

Sinuspinde ng Land Transportation Office (LTO) ang pag-iisyu ng student driver’s permits epektibo mula sa July 1.

Ayon kay LTO chief Edgar Galvante, simula din sa August 3 ang mga kukuha ng student’s permit ay dapat sumailalim na sa 15-hour theoretical driving course.

Ibig sabihin, required nang sumailalim muna sa driving course bago maisyuhan ng student permit.

Sinabi ni Galvante na nakatakadang maglabas ng regulasyon hinggil dito ang LTO.