Baganga, Davao Oriental niyanig ng magnitude 3.5 at 3.2 na lindol

Dalawang beses niyanig ng lindol ang lalawigan ng Davao Oriental.

Ayon sa Phivolcs unang naitala ang magnitude 3.5 na pagyanig sa 90 kilometers northeast ng bayan ng Baganga, alas-12:19 madaling araw ng Lunes (June 29) at may lalim na 1 kilometer.

Sumunod naman na naitala ang magnitude 3.2 na lindol sa 72 kilometers northeast ng bayan pa rin ng Baganga, ala-1:53 ng madaling araw at may lalim din na 1 kilometer.

Tectonic ang origin ng mga pagyanig.

Wala namang inaasahang pagkasira sa mga ari-arian, intensities at aftershocks.