Halos 400 na Pinoy mula Sabah darating ng Tawi-Tawi sa July 6

Sa July 6 ay mayroong halos 400 na Pinoy mula sa Sabah ang darating sa Tawi-Tawi.

Ayon ito sa National Commission on Muslim Filipinos (NCMF)-Bureau of External Relations.

Mula Malaysia, dadalhin sila sa Zamboanga City by batch bago umuwi ng Tawi-Tawi.

Ayon sa NCMF mayroong 5,300 na Pinoy na stranded sa Sabah.

Nagpulong na ngayong ang Bangsamoro Autonomous Region in Muslim Mindanao-Ministry of Social Service and Development, Provincial Disaster Risk Reduction and Management Office, Philippine Red Cross Tawi-Tawi, at NCMF offices sa Tawi-Tawi para talakayin ang pagpapauwi sa stranded na mga Pinoy.

Una nang sinabi ni Presidential spokesperson Harry Roque na ang pagpapauwi sa mga Pinoy ay gagawing 400 kada batch.