Apat pang kaso ng COVID-19, naitala sa Eastern Visayas

Napaulat ang apat pang karagdagang kaso ng COVID-19 sa Eastern Visayas.

Sa datos ng Department of Health- Eastern Visayas Center for Health Development (DOH- EV CHD), umakyat na sa kabuuang 435 ang COVID-19 cases sa nasabing rehiyon.

Sa inilabas na 278 laboratory results ng EVRCTC, 275 ang negatibo kabilang ang 96 negative results ng EVRMC employees.

Tatlo naman ang nagpositibo sa COVID-19.

Samantala, isa naman sa 68 laboratory results na inilabas ng DWHVL ang nagpositibo sa nakakahawang sakit.