Sarangani, Davao Occidental nilindol

Niyanig ng magnitude 3.5 na lindol ang Sarangani, Davao Occidental Martes ng hapon.

Ayon sa Phivolcs, tumama ang episentro ng lindol sa layong 326 kilometers Southeast ng Sarangani bandang 1:18 ng hapon.

73 kilometers ang lalim ng pagyanig at tectonic ang origin.

Wala namang napaulat na pinsala matapos ang pagyanig.

Sinabi rin ng Phivolcs na walang inaasahang aftershocks sa naturang lugar o kalapit-bayan.