Frontliners bibigyang pagkilala sa pagdiriwang ng Araw ng Maynila

Ang mga frontliner ang magiging tampok sa paggunita ng ika-449 anibersaryo ng Araw Ng Maynila.

Naghanda ang Pamahalaang Lungsod ng Maynila, sa pangunguna ng Department of Tourism, Culture and Arts of Manila (DTCAM) ng mga programa at aktibidad bukas, June 24.

Ayon kay DTCAM Director Charlie Duñgo, sesentro ang pagdiriwang sa pagkilala sa kabayanihan ng mga frontliners.

Karamihan sa programa ay idaraos online partikular ang tribute sa mga frontliners na gaganapin alas 6:30 ng gabi bukas.

Tiniyak din ng DTCAM na mahigpit nilang ipatutupad ang mga gabay ng Inter-Agency Task Force hinggil sa physical distancing at limitadong bilang ng mga bisita para sa mga programang tulad ng pag-aalay ng bulaklak.