Operasyon ng MRT-3 sususpindihin sa loob ng apat na weekend simula sa Hulyo

Simula sa Hulyo hanggang sa Setyembre mayroong apat na weekend na magpapatupad ng suspensyon sa biyahe ng MRT-3.

Ayon sa DOTr MRT-3, layon nitong mapabilis ang rail replacement sa buong linya ng MRT-3 na naka-schedule matapos sa Sept. 2020.

Sa abiso ng MRT-3 ang suspensyon ng operasyon ay sa sumusunod na mga petsa:

July 4-5
August 8-9
August 21-23
September 12-13

Sa nasabing mga petsa, isasagawa ang rail replacement works sa southbound at northbound tracks kabilang ang turnout tracks na nasa North Avenue at Taft Avenue stations.

Sa sandaling makumpleto na ang pagpapalit ng riles sa buong linya ng MRT-3 ay maitataas sa hanggang 60kph ang takbo ng mga tren.