Bilang ng mga Filipino seafarers na napauwi sa bansa mahigit 30,000 na

Dumating sa bansa ang 723 pang Filipino seafarers mula United Kingdom.

Ang mga Pinoy ay pawang crew members ng MV Disney Wonder at MV Queen Victoria na dumating sa bansa kahapon lulan ng dalawang flights.

Kahapon din ay mayroong 667 Filipino seafarers ng Royal Caribbean Cruise Lines (RCCL) ang dumating sa bansa mula Barbados.

Dahil dito sumampa na sa mahigit 30,000 ang bilang ng mga Pinoy seafarers na napauwi sa bansa sa kasagsagan ng pandemic ng COVID-19.

Habang mayroong 580 na Filipino nationals mula Saudi Arabia pa ang dumating sa bansa kahapon sakay ng 2 special commercial flights ng PAL at Saudia.