Anti-Terror Bill sumasailalim pa sa review ng legal team ng Malakanyang

Sumasailalim pa rin sa review ng legal team ng Palasyo ng Malakanyang ang anti-terror bill.

Ayon kay Pangulong Rodrigo Duterte, matapos niyang mabasa ang panukalang batas ay inindorso niya ito sa legal team.

Matapos marebisa ng legal team, ibabalik ito sa kaniya kasama ang rekomendasyon kung ito ba ay dapat aprubahan o hindi.

Ang naturang panukalang batas ay sinertipikahang urgent ni Pangulong Duterte.

Noong June 9 nang mai-transmit ang panukala sa Palasyo para sa lagda ng pangulo.

Una nang sinabi ng Malakanyang na aaprubahan at lalagdaan ng pangulo ang nasabing batas.

Kailangan lamang umanong ikunsidera ng pangulo ang mga legal advice bago ito pirmahan.