Nasawi sa COVID-19 sa Brazil mahigit 50,000; COVID-19 cases mahigit 1 milyon na

Sumampa na sa 50,000 ang bilang ng nasawi sa Brazil dahil sa COVID-19.

Sa pinakahuling datos ang Brazil ay nakapagtala na ng 50,659 na COVID-19 related deaths.

Habang mayroon na itong mahigit 1 milyong kaso matapos na makapagtala ng mahigit 16,000 pang panibagong kaso sa magdamag.

Sa huling datos ay 1,086,990 na ang COVID-19 cases sa Brazil.

Ang Brazil ay pangalawa na sa mga bansa sa mundo na mayroong pinakamaraming kaso at pinakamaraming nasawi sa COVID-19 kasunod ng Estados Unidos.