Bilang ng umuwing Pinoy sa bansa mula noong Pebrero mahigit 51,000 na

Nakapagtala na ng mahigit 51,000 na umuwing Pinoy ang Department of Foreign Affairs (DFA).

Ito ay simula nang umpisahan ang repatriation sa mga Pinoy mula sa mga bansang apektado ng pandemic ng COVID-19.

Sa nasabing bilang, 57.33 percent (29,302 OFs) ay sea-based habang 42.67 percent (21,811 OFs) ay land-based.

Karamihan sa ga umuwing OFs ay mula sa Japan, Norway, Oman, Saudi Arabia, UAE, USA, at Vietnam.

Maliban sa mga OFWs, nakapagpauwi na rin ng mga stranded na Pinoy mula sa iba’t ibang bansa.

Noong June 12, dumating sa bansa ang 30 Pinoy na na-stranded sa India at Sri Lanka sakay ng BRP Davao Del Sur.