Kaso ng COVID-19 sa Taguig nadagdagan ng 21 pa

May naitalang dalawampu’t isa pang bagong kaso ng COVID-19 sa Taguig City.

Ang mga bagong kaso ay mula sa mga barangay na Bagumbayan, Bambang, Central Bicutan, Central Signal, Fort Bonifacio, Katuparan, Ligid Tipas, New Lower Bicutan, North Daang Hari, North Signal, Pinagsama, South Signal, Sta Ana, Tuktukan, Upper Bicutan at Western Bicutan.

Sa ngayon ang kabuuang bilang ng confirmed cases sa Taguig ay 606 na.

Nananatil naman sa 21 ang bilang ng nasawi at mayroong 120 na naka-recover.

Ang Taguig ay naglungsad ng SMART testing o ang Systematic Mass Approach to Responsible Testing kung saan nakapaloob ang barangay-based testing at ang drive-thru testing.