Kasabay ng kaniyang ika-31 kaarawan, pinirmahan ni Mayor Vico Sotto ang appointment papers ng 100 empleyado ng Pasig LGU.
Ilan aniya sa mga makaka-enjoy na ng kanilang regular status ay ang mga streetsweeper at engineering aide.
Sinabi ng alkalde na lahat ng bagong regular na empleyado ay mahigit 20 taon nang kontraktwal sa lokal na pamahalaan ng Pasig.
“I am happy to announce: WALA NANG NAIWAN NA KONTRAKTWAL SA MGA EMPLEYADO NATING MAHIGIT 20 YRS NANG NASA SERBISYO,” pahayag ni Sotto.
Kahit mayroong pagkaantala dahil sa COVID-19, tiniyak ng alkalde na tuloy pa rin ang employee regularization program sa lungsod.
MOST READ
LATEST STORIES