Makalipas ang 25-araw New Zealand muling nakapagtala ng bagong kaso ng COVID-19

May dalawang bagong kaso na muli ng COVID-19 sa New Zealand.

Ito ay makalipas ang 25 araw na walang bagong kaso ng COVID-19 na naitatala sa nasabing bansa.

Ang dalawang bagong pasyente ay pawang bagong dating sa New Zealand galing United Kingdom.

Ang border ng New Zealand ay bukas lang para sa mga mamamayan nilang umuuwi kasama ang kanilang pamilya.

Aminado naamn si Prime Minister Jacinda Ardern na mahirap pang ideklarang COVID-19 free ang New Zealand dahil maari pa rin talagang magkaroon ng mga bagong kaso.