Tulong sa nasawing Pinay seafarer at kaniyang pamilya tiniyak ng DOLE

Tiniyak ng Department of Labor and Employment (DOLE) ang tulong ng pamahalaan sa pamilya ng nasawing Pinay seafarer habang naghihintay ng kaniyang repartiation pauwi ng bansa.

Ayon kay Labor Secretary Silvestre Bello III, inatasan na niya ang Overseas Workers Welfare Administration (OWWA) at ang licensed manning agency ng Pinay na agad makipag-ugnayan sa pamilya nito.

Pinatitiyak ni Bello ang suporta, tulong at benepisyo sa pamilya ng Pinay.

Ani Bello, ang Pinay ay umalis sa bansa noong March 2019 para magtrabaho sa isang cruise ship.

Puno aniya ito ng pag-asa at pangarap.

“The circumstances of her untimely passing need to heighten greater awareness and advocacy on psycho-social needs and mental wellness of our OFWs awaiting repatriation,” ani Bello.