Sa panayam ng Radyo Inquirer kay Presidential Spokesman Harry Roque, sinabi nitong mula Davao City ay babalik na sa Malakanyang ang pangulo.
Sa Malakaniyang na aniya isasagawa ang pulong ng pangulo sa Inter Agency Task Force (IATF).
At doon na rin iaanunsyo ng pangulo ang magiging pasya sa ipatutupad na community quarantine sa Metro Manila at iba pang bahagi ng bansa sa June 15, araw ng Lunes.
Magugunitang ang nakaraang pulong ng IATF kasama ang pangulo ay sa Davao City isinagawa.
Umuwi ng Davao City ang pangulo matapos na mag-GCQ na sa Metro Manila, dahil matagal itong hindi nakabiyahe pauwi bunsod ng umiral na lockdown.
READ NEXT
TD Butchoy nasa bahagi na ng Iba, Zambales; Signal #1 sa ilang lalawigan inalis na ng PAGASA
MOST READ
LATEST STORIES