ES Medialdea pinangunahan ang aktibidad sa paggunita ng Araw ng Kalayaan sa Maynila

Si Executive Secretary Salvador Medialdea ang kumatawan kay Pangulong Rodrigo Duterte sa aktibidad sa paggunita ng Araw ng Kalayaan ngayong araw sa Maynila.

Ang selebrasyon ay gaganapin sa Rizal Park.

Ang ika 122 taon na paggunita ng Araw ng Kalayaan ay mayroong tema na Kalayaan 2020: Towards a Free, United and Safe Nation.

Maliban kay Medialdea darating din sa Rizal Park si National Historical Commission of the Philippines (NHCP) Chairman Dr. Rene Escalante.

Naroroon na rin si Manila Mayor Isko Moreno.

Sa aktibidad, bibigyan ng pagkilala ang mga frontliner sa bansa na nakikipaglaban sa COVID-19.

Tampok din ang virtual Independence Day message mula kay Pangulong Duterte.